Pages

Friday, August 23, 2019

නයා ගෙවුණු හැටි

සීයාගේ එනම් අපේ අම්මාගේ ගෙදර පුංචිය.
එහි පලය හෙවිල්ලා තිබුණේ පිදුරු වලිනි.
හැම කන්නයකම පුසුඹ ගහන පිදුරු තට්ටුවක් වහලය මත බැවෙයි.
මේඅකාරයට පලය මත තට්ටු හත අටක්ම පලය මත අරක්ගත් පසුවයි,
පලයේ පිදුරු ඉවත් කරන්නේ,
ඒ ගෙදර ගමගෙවල් කොයිකක මෙන් කාමර දෙකක් , කුස්සියක්, අටුගෙයක් සහ වටපිලක් තිබුණුකි.

සීයාගේ කරුමන්තයට උදව්වෙන එ්කමේක තබා තිබුණේ අටුගේය.
උකුණුගස්, දෑතිගොය්යෝ, ඇඹුල් කැති, පොල කැති ආදි වු උපකරණ වරිච්චි බිත්තියේ මුව අං වල එල්ලි තිබිණි.

"මේ ඇහුණද?"
ඒ දවස්සොල මං හිතා උන්නේ "මේ ඇහුණාද " යනු ආච්චිගේ නම බවයි.

"හෙට වල් කොටන්න පාන්දරියෙන්ම යන්න ඕන......."
සීයා මෙවර හේන සදහා තෝරා ගෙන තිබුණේ තිඹිරිවැවේ ඉස්බඩේ වු කොටසකි.
ආරච්චියාගේ ගෙදර ඉස්සරහ දෙවැටෙන් ද මහගල උඩින් වැටි තිබු රොට්ටුවෙන්ද තිඹිරිවෙල යා හැකි වුවද එතැනින් ඔබ්බට හරි හමන් පාරක් නැත.
කෑලේ මැදින් දිගින් දිගටම යාමෙන් හැදෙන අඩිපාර හේනට පාර වෙයි.
උදෑසනින්ම ආච්චිගේ කුරහන් රොටි සහ ලුණුමිරිස් තලිය පංමල්ලේ ඔබා ගෙන පුරුදු පරිදි සුම්බරයද බැදගෙන දසමහ යෝධ සෙය්යාවෙන් සීයා ගමන් ඇරඹුවේ හිස මත්තේ කෑ ගැසු හූනාගේ අදෝනාව පයිසෙකට මායිම් නොකරමිනි.

අපුච්චියේ .......
ඒ මහා අලකලංචිය වුණේ මහගල පයිනවත් එක්කය.
හතරහිමාවේ හුළ පොදක් නැති අල්ලපනල්ලේ සීයා,
තුස්නිම්භුත වුයේ සුම්බරය ගැලවී
උසික්කා විමෙනි.........
අකුල් කැටේ මැදින් මහාහුළගක්
"ෂුෂ්" හඬින් යලිත් වැදිමත් හා සමඟම සීයා බැලුවේ මේ මොන සමයමක්දැයි කියාය.

අකුල් කැටේ,කුල්ලක ප්‍රමාණයට අඩු නැති පෙන ගොඹය අල්ලාන ,
මාරවේෂයෙන් ඇස්ගොඹ උලුප්පාන උන් නයිහාමිගේ දර්ශනයෙන් සීයා නොවෙන්න වෙන පුතයෙක්ගේ නම් වස්තරේ තෙමනවාමය.
නයි නෙත්තරා දිහා බලාන මේ මරාලයෙන් ගොඩයන එක ගැන කල්පනා කල සීයාට මතක් වී ඇත්තේ දෙපය පමණී.

"ඔහේටු ###පුතා......"

මහ හඬින් කියු සීයාගේ පළමු පිම්ම නයාගේ පිම්මට තප්පර අරික්කාලකට එහා මෙහා නොවුනේ නම්.....
මට අයේ සීයෙක් හමු නොවනු ඇති.
කටු අකුල් බිදගෙන කුළුමීමෙක් සේ දුවන සීයාගේ පාරේ මේ අසමජ්ජාති නයාද එලවන්නට පටන්ගෙන ඇත.
සීයා දුවයි......
නයා එළවයි.
මේ තරගය පුරා හෝරා දෙක තුනක්ම තිබි ඇත.
ගමට හැතැම්ම හත අටකට එපිටින් රිටිගල දෙසට සීයා හැරි ඇත්තේ මේ මාරයා එතකොටවත් මඟ ඇරි යතැයි කල්පනාවෙනි. සීයා දීවිම නවතා ඇත්තේ
රිටිගල බන්දා පොකුණට එපිටින් ඇති බැලුම් ගල මත දිය.
හැරි බලන විට නයා නොදුටුවෙන් සැනසුම් සුසුමක් හෙලමින්,
ගල මත්තේ වාඩිගෙන ඇත්තේ හති නිවා ගැනීමටය.
ආන්න එතකොට මාපටගිල්ල විතර ගැඩවිලෙක් සීයා පැත්තට එනවා දැක ඇත.
මේ මොකාදැයි වග විස්තර බලනකොටයි සීයාට තේරුං ගිහින් ඇත්තේ අර තඩි නාගයා දුවපු දිවිල්ලට ගෙවි ඇති බව.



9 comments:

  1. එතකොට අර කුල්ලක් විතර ඇති පෙන ගොබයට මොකැයි උනේ?

    ReplyDelete
    Replies
    1. ඒක හුලඟට ගෙවිල තුනීවෙලා ට්‍රාන්ස්පේරන්ට්

      Delete
  2. රොට්ටුව = Road?

    ReplyDelete
  3. Bouru keema kalawaknam Seeya ehi Picasso ya.

    ReplyDelete
    Replies
    1. vat lanvage is this ples?

      Delete
    2. මේ සියල්ල සහතික අැත්ත

      Delete
  4. ඩ්‍රැකියට හපන්

    ReplyDelete